DRC : Ebola yageze mu Ntara ya Kivu y’amajyepfo

Umugabo w’imyaka 26 n’umwana we w’amezi 7 nibo basanganywe icyorezo cya Ebola kuri uyu wa 15 Kanama 2019 mu bitaro bya Mwenga muri Kivu y’amajyepfo.

Itangazo ryashyizwe ahagaragara na Guverineri wa Kivu y’Amajyepfo Ngwabije Kasi Theo yahamagariye abaturage kwita ku bikorwa by’isuku anizeza ibihugu byegeranye na Bukavu ko ingamba zo guhangana na Ebola zashyizweho.

Uyu murwayi wagaragayeho Ebola yari amaze igihe ari mu bayikekwagaho bakurikiranwa i Beni ariko aza gucikana n’abana babiri barimo umwe w’imyaka itanu n’undi w’amezi arindwi   taliki 24 Nyakanga, gusa yaje gufatwa kuwa 6 Kanama 2019.

Nyuma yuko afashwe yasubijwe I Beni kongera gukurikiranwa ariko arongera aratoroka ndetse ahita ahindura n’amazina akomeza gukora ingendo zitandukanye aho yagiye anyura Kasindi, Butembo, Goma, Bukavu ajya Mwenga mbere yuko yitaba Imana kuri uyu wa 15 Kanama 2019 azize iki cyorezo.

Ubuyobozi bwahise bunemeza ko bukiri kwita ku mana w’amezi 7 batorokanye mbere nawe akaba ari kwitabwaho nyuma yo gusanganwa iki cyorezo.

Bivugwa ko abantu 120 aribo bahuye n’uyu mugabo wahitanywe na Ebola nabo bakaba bari guhigishwa uruhindi kugirango batagira abandi banduza.

Iki cyorezo cyageze muri DRC muri Kamena 2018 kimaze guhitana abarenga 1900 mu bantu 2842  bayiketsweho  2748 bakayisanganwa naho 844 bakayivurwa igakira.

Ubuyobozi bw’intara ya Kivu y’amajyepfo bivuga ko  buri guhigisha uruhindu abantu 120 bikekwa ko bahuye n’uyu wahitanywe na Ebola birinda ko yanduza abandi.

 

Kwirakwiza

Leave a Reply

Your email address will not be published. Required fields are marked *