Amafoto+Video: Uganda yshyikirije u Rwanda umurambo w’umunyarwnada warashwe yinjiza magendu

Guverinoma ya Uganda kuri uyu wa Mbere yashyikirije iy’u Rwanda umurambo w’Umunyarwanda warashwe mu ijoro ryo ku wa Gatanu ubwo yageragezaga kwinjiza magendu ku butaka bw’u Rwanda, akanagerageza kurwanya inzego z’umutekano.

Minisiteri y’Ububanyi n’Amahanga yatangaje ko mu ijoro ryo ku wa Gatanu, mu Murenge wa Tabagwe, Akarere ka Nyagatare, inzego z’umutekano z’u Rwanda zari mu bugenzuzi zahagaritse uwakekwagaho gutwara magendu wari kuri moto yambutse aturutse muri Uganda, anyuze ahantu hatemewe.

Ubwo yahagarikwaga n’abashinzwe umutekano yaranze ahubwo atera amahane, bagenzi be bafite imihoro bagaba igitero ku bashinzwe umutekano b’u Rwanda, ubwo bashakaga gusubira muri Uganda bahunga, inzego z’umutekano zirasamo babiri, umwe w’Umunyarwanda ahita apfa n’Umunya-Uganda aza gupfa nyuma, bagenzi babo babambukana muri Uganda.

Urwanda rwari ruhagaraiwe na Mayor wa Nyagtare muri uyu muhango

Abo bantu ubwo birukaga basubira muri Uganda, basize mu Rwanda moto bari bapakiyeho magendu.

Kuri uyu wa Mbere ku gicamunsi nibwo uyu muhango wo guhana umurambo w’uwo munyarwanda ushyikirizwa u Rwanda wabaye, umuhango wabereye ku mupaka wa Gatuna ukitabirwa n’abahagarariye ibihugu itandukanye birimo ibyo mu muryango wa Afurika y’uburasirazuba,  Ubufaransa, Ubwongereza, Uburusiya ne Leta zunze ubumwe za Amerika.

Amashusho y’umurambo uvanwa mu modoka ya Uganda ushyirwa mu mbangukiragutabara y’u Rwanda

Kwirakwiza

Leave a Reply

Your email address will not be published. Required fields are marked *