Barcelona yirukanye umutoza ihita imusimbuza

FC Barcelona yirukanye Ernesto Valverde nubwo yari ari imbere

FC Barcelona yirukanye umutoza Ernesto Valverde imusimbuza Quique Setien wahoze ari umutoza wa Real Betis.

Valverde w’imyaka 55, yafashije iyi kipe gutwara ibikombe bibiri bya shampiyona yikurikiranya n’ubu bari imbere ku rutonde rwa shampiyona nubwo barusha Real Madrid ibitego gusa.

Gusa muri iki gihe iyi kipe ntiyitwaye uko abayitegeka babyifuza ndetse ntiyabashije kugera ku mukino wa nyuma wa UEFA Champions League.

Setien w’imyaka 61, we yagejeje Betis ku mwanya mwiza muri shampiyona itigeze igeraho kuva mu 2005 anayigeza muri kimwe cya kabiri cya Copa del Rey, ayivamo mu kwa gatanu.

Yahawe amasezerano y’imyaka ibiri n’igice, uyu munsi kuwa kabiri ku gicamunsi nibwo yerekwa itangazamakuru nk’umutoza mushya.

Umwaka ushize, Barcelona yasezerewe na Liverpool muri champions league muri kimwe cya kabiri, nubwo yari yatsinze 3 – 0 mu mukino ubanza, inatsindwa na Valence kuri finale ya Copa del Rey. Ibi biri mu byashyize igitutu kuri Valverde.

Amasezerano ye yahagaritswe ku bwumvikane bw’impande zombi nk’uko itangazo rya FC Barcelona ribimenyesha.

Kwirakwiza

Leave a Reply

Your email address will not be published. Required fields are marked *