AZAM igarutse mu mupira wo mu Rwanda

Azam yahoze mu mupira w’amaguru mu Rwanda iwutera inkunga ikanawerekana uri kuba ariko ikaza kubivamo amasezerano yayo na Ferwafa atarangiye byongeye gutangazwa ko igarutse ariko ikaba igiye gukorana n’ikipe imwe mu makipe 16 agize shampiyona y’icyiciro cyambere mu Rwanda

Ubuyobozi bwa APR FC bwatangaje ko bwungutse umufatanyabikorwa mushya, AZAM Bakhresa Group, uruganda rukora ifarini rwo muri Tanzania, izajya yamamaza binyuze mu kwambara imyambaro iriho ibirango byarwo.

Azam Bakhresa Group na APR FC bari bamaze iminsi mu biganiro mu gihe kandi iyi Sosiyete yaganiriye n’andi makipe yo mu Rwanda arimo Kiyovu Sports na Rayon Sports batabashije kumvikana.

Umuvugizi wa APR FC, Kazungu Claver, yatangaje ko amasezerano y’ubufatanye hagati y’impande zombi azashyirwaho umukono kuri uyu wa Gatatu.

Ati ‘’Ejo saa kumi ku ruganda rukora ifarini rwa Azam i Masoro, hazasinywa amasezerano y’ubufatanye ya AZAM Group na APR FC.’’

Impande zombi zemeranyijwe gukorana mu gihe cy’imyaka ine.

AZAM Group izajya yamamaza ibikorwa byayo ku myambaro y’iyi kipe y’ingabo, ku kibuga aho APR FC yakiniye ndetse inahacuruze ibikorwa byayo.

AZAM Bakhresa Group ni yo ibarizwamo Azam Media yateraga inkunga Shampiyona y’u Rwanda mu myaka ine ishize ndetse ni nayo nyir’ikipe ya AZAM FC ikina mu cyiciro cya mbere muri Tanzania.

Kwirakwiza

Leave a Reply

Your email address will not be published. Required fields are marked *